Wednesday, March 7, 2012

LIMA A BARANGAY TI NASERBISYUAN TI RHU CABUGAO ITI MAYSA NGA ALDAW

Cabugao, Ilocos Sur – Naisayangkat manen ti information on dental health care and distribution of  dental gifts babaen  ti RHU Cabugao a no sadino a ditoy ket indauluan ni Dr. Magno Sol, DMD, ti grupo a nagserbisio iti Day Centers iti Brgys. Marga-ay, Pila ken Sagayaden idi Marso 7, 2012.

 Paset daytoy ti programa ti Gobierno Munisipal  ti pannakatagiben ti salun-at ti ngipen dagiti umili nangruna  dagiti ubbing babaen ti panangilungalong da  Mayor Edgardo “Ediboy” S. Cobangbang, Jr. ken Vice Mayor Danny Q. Gazmen.

Adda 54 a dagup ti  bilang dagiti ubbing a naamiris ti ngipenda ken naikkanda ti saggaysa a naiselopin a sagut a naglaon iti baso a plastik, toothpaste, toothbrush ken bear brand milk a sagut ti LGU babaen kada Mayor Ediboy ken Vice Mayor Danny.

Nagyaman dagiti ubbing ken nagannak kadagitoy a naibuyog a sagut kadagiti annakda ket inapresiarda ti kastoy a wagas a panangdanon dagiti adda iti serbisio ti salun-at a dumanon kadakuada.

Iti sabali a bangir, kasta met laeng ti inaramid ti RHU Cabugao iti panagbakunada iti ubbing para iti kontra-kamuras  ken kabbi (rubella vaccine)  idinto ta para anti-peunomia (pneumococcal vaccine, pneumo 23) kadagiti  nataengan iti Brgys. Sisim ken Alina-ay iti dayta nga aldaw ken petsa. Indauluan ni Dr. Lotgarda “Loty” Tayao, Municipal Rural Health Physician ti grupo ti RHU Personnel a nagserbisio ken nagagas.

Nagyaman  dagiti napakaptan ti bakuna ken nagparikna/napaagasan ti sakitda a lumugar iti nasao a dua a barangay iti Gobierno Munisipal   iti liderato ni Mayor Ediboy ta napasnek dagiti RHU Personnel a mangidandanon ti pagsayaatan para iti pannakamantener ti napintas a  salun-at iti sapasap. # (Web In-Action)

No comments:

Post a Comment