Wednesday, December 14, 2016

ALS ILOCOS SUR COMMUNITY CARAVAN, NAGTUNGPAL DITOY ILI TI CABUGAO

Cabugao, Ilocos Sur – Naaramid ti umuna nga Alternative Learning System (ALS) Ilocos Sur Community Caravan ket napasamak ti motorcade dagiti ALS Learners manipud  iti ili ti Tagudin agingga iti ili ti Sinait ken nagtungpal iti Cabugao Cultural and Sports Complex, Brgy. Rizal, Cabugao, Ilocos Sur a no sadino a ditoy ket inatendaran dagiti ALS Learners iti nadumaduma a DepED District kasta metten dagiti ALS Mobile Teachers ken Coordinators ken dagiti Opisiales ti DepED Division of Ilocos Sur  nga isuda Dr. Maria Salome Abero, CID Chief; Mr. Meneleo Palma, MAPEH Division Coordinator; Dr. Gabate; Dr. Avelina D. Gatdula; Ms. Digna C. Natura, Education Program Supervisor – ALS; ken ni Ms. Rosemelinda D. Baclig, Education Program Specialist II.


Nasapa a naaramid ti Motorcade manipud Tagudin agingga iti Sinait. Napasamak ti Opening Program iti Cabugao Cultural and Sports Complex. Kalpasan ti Pambansang Awit ken Doxology, nag-Welcome Message ni Dr. Consesa T. Rumias, Ed. D., Public Schools District Supervisor.

Naisaganad ti Presentation of Delegates babaen ken ni Ms. Josephine Cortez, District ALS Coordinator – Tagudin.

Introduction of the Keynote Speaker babaen ken ni Ms. Rosemelinda D. Baclig. Bininsa ni Ms. Baclig iti narimat a rekord ni Mayor Josh Edward iti panagadalna ken iti agdama a Titulona a kaubingan a Mayor iti intero a pagilian.

Impaay ni Mayor Josh Edward S. Cobangbang ti keynote speech-na. Kimmablaaw ken nagyaman ta naikkan iti gundaway a makilangen kadagiti ALS Learners, Teachers ken Coordinators ken  kasta metten kadagiti Opisiales ti DepED Division of Ilocos Sur. Binigbig ti Ama ti Ili a pakaidayawan ti ili a nakaaramidan ti culminating activity iti ALS Ilocos Sur ket impeksana ti panangapresiarna kadaytoy a programa ti DepED a mangsolbar iti dropouts ket akseptarenna iti agtultuloy a pannakaipatungpalna ditoy ili ti Cabugao.


Nangipaay met ti Inspirational Message ni Dr. Maria Salome Abero a nangibagi ken ni Division Superintendent Jorge I. Reinante. Pinagyamananna iti naimpapusuan a panangawat ni Mayor Josh Edward iti implementasion ti ALS ditoy Cabugao.

Kamalmanna, naaramid iti presentasion iti nadumaduma a programa iti ALS. Inakem met ni Ms. Digna C. Natura, EPS-ALS ti Closing Remarks.

Nagpaay nga Emcee da Mrs. Evangeline U. Seatriz ken ni Mr. Warren Sumibcay. # (Web In-Action)


No comments:

Post a Comment