Friday, December 23, 2016

MAUDI A RELEASE TI GANAGAN, INAWAT DAGITI MANNALON TI BRGY. TUROD PATAC

Cabugao, Ilocos Sur – Naaramid ti pannakaited   ti libre a ganagan a para kadagiti mannalon iti Barangay Turod Patac, Cabugao, Ilocos Sur idi Disiembre 22, 2016. Naited   dagiti ganagan iti sango ti Barangay Hall iti  nadakamat a barangay kadagiti mannalon. 

Indauluan dagiti Staff ti  DA-LGU Cabugao a nangimatang iti pannakaiyawat kadagiti mannalon iti nadakamat a barangay nga idauluan  ni   Brgy. Captain Edgardo G. Sonido ken nagatendaran  met dagiti Opisiales ti Barangay ken iti Asosasion ti mannalon kadaytoy  a nadakamat a barangay. 

Kanaig daytoy, ipaganetget ni Mayor Josh Edward nga agtultuloy daytoy a programa a para iti pagsayaatan dagiti mannalon ti Cabugao ken kaikarian dagiti mannalon iti maikkan ti tulong gapu ta isuda ti kabinnadang ti LGU a mangidur-as iti agrikultura iti Ili.  

Kabayatanna, impeksa dagiti mannalon ti  ragsakda   a kaduada dagiti Opisiales ti Barangay ken Asosasion-da iti nadakamat a  barangay ken iti  naan-anay a  panagyamanda iti Gobierno Munisipal nga idauluan ni Mayor Josh Edward.

Parte daytoy a gannuat iti pannakaidur-as ti Benneg ti Agrikultura iti LGU-Cabugao   nga idauluan ni Mayor Josh Edward S. Cobangbang iti inda manen panagmula dagiti mannalon para iti Dry Season 2016-2017 (Nobiembre-Mayo). # (Web In-Action)

No comments:

Post a Comment