Thursday, December 1, 2016

FERTILIZER DISTRIBUTION, NAARAMID IDIAY BRGY. ARNAP

Cabugao, Ilocos Sur – Naaramid ti pannakaited  ti libre a ganagan para kadagiti mannalon iti Barangay Arnap, Cabugao, Ilocos Sur ita a  Disiembre 1, 2016. Naiyallawat  dagiti sako ti ganagan kadagiti bumarangay  iti sango ti Barangay Hall kadaytoy  a nadakamat a barangay. 


Indauluan ni   Mayor Josh Edward S. Cobangbang dagiti naggapu iti Munisipio kasta metten dagiti Staff ti DA-LGU Cabugao nga imatonan ni Municipal Agriculturist Robert S. Savella  a nangimatang iti pannakaiyawat kadagiti mannalon iti nadakamat a barangay nga idauluan  ni Brgy. Captain  Teodoro Tabula. Nagatendar met dagiti Opisiales ti Barangay ken iti Asosasion ti mannalon.

Iti Mensahe ni Mayor Josh Edward, kimmablaaw ken nagyaman iti kinatunos dagiti Opisiales ti Barangay ken Mannalon a mangpadaan kadagiti sumangpet a pagsayaatan iti barangay-da.


Kuna ni Mayor Josh Edward nga agyaman unay kadagiti maipakpakita a talek ken pammati dagiti amin a mannalon iti barangay iti Gobierno Munisipal ket agtultuloy daytoy a programa para iti pagsayaatan a maited kadakuada  ken manaynayonan tapno makomplementaran dagitoy  a kinaregtada  iti Sektor-Agrikultura. 

Kinomendaran ti Alkalde Munisipal iti regta dagiti mannalon a mangpatibker iti sektor-da nga agpataud ti pagtaraon iti sapasap ket kaikarianda latta ti maikkan iti pannarabay nga aggapu iti Gobierno Lokal. 

Kabayatanna, impeksa dagiti Opisiales ti Barangay ken dagiti mannalon iti Barangay Arnap iti  naan-anay a  panagyamanda iti Gobierno Munisipal nga idauluan ni Mayor Josh Edward S. Cobangbang   iti agtultuloy a panangtarabay-da   kadakuada  ken kasta metten dagiti pannakabagi ti DA-LGU Cabugao.


Nakikaysa dagiti Opisiales ti Ili nga isuda SBM Danny Q. Gazmen; SBM Vicky S. Serna; SBM Dr. Jemaima S. Tan-Yee ken ni SBM Josefina S. Vallejo iti pannakai-turnover dagiti farm inputs kadagiti mannalon. 

Daytoy a gannuat ket paset iti prayoridad a  programa iti pannakaidur-as ti Benneg ti Agrikultura iti LGU-Cabugao   nga idauluan ni Mayor Josh Edward S. Cobangbang tapno matulongan  dagiti sapasap a mannalon iti inda panagmula ti tabako  iti Dry Season 2016-2017  (Nobiembre-Mayo). # (Web In-Action)


No comments:

Post a Comment