Cabugao, Ilocos Sur – Malaksid iti inaldaw a panagagas DAGITI Medical Personnel (Doktor, Nurse, Midwives, Dentist ken RN-Heals) iti Rural Health Unit-Cabugao ket maar-aramid met ti panagtignay ti sanga ti serbisio kadagiti 33 a barangay ti ili a Cabugao, Ilocos Sur.
Agtultuloy iti Medical Caravan nga irusrusat ti RHU-Cabugao Team kadagiti barangay babaen iti panangidaulo ni Dr. Bettina Ramos idinto ta tartarawidwidan met ni Dr. Mark-Lawrence Tirao dagiti inaldaw nga agpaagas ditoy RHU Building.
Iti biang met ti Community Health Team (CHT) iti Barangay, ar-aramiden latta dagiti pannakabagi ti Team dagiti pagrebbenganda ket mapagkaykaysa ti reportda a maited iti RHU-Cabugao para iti pannakainayon ken pakaammuan ti Municipal Health Office (MHO-Cabugao) nga idauluan dagiti Dodoktor iti kasasaad dagiti kakaduada nga agtartarabaho iti benneg ti salun-at kadagiti barangay.
Dagitoy nga aksion ken inisiatiba ket nagubuay babaen iti napintas a koordinasion dagiti maseknan nga Opisina iti salinong ti LGU-Cabugao nga idauluan ni Mayor Josh Edward S. Cobangbang para iti agtultuloy a pannakaidur-as ti salun-at dagiti umili ti Cabugao, Ilocos Sur. # (Web In-Action)
No comments:
Post a Comment