Saturday, December 31, 2016

RIZAL BARANGAY FIESTA 2016, NASELEBRARAN

Cabugao, Ilocos Sur – Naselebraran ti panagpiesta ti Barangay Rizal, Cabugao, Ilocos Sur idi Disiembre 30, 2016  a  panglagip ti kinatan-ok ti Nailian a Bannuar, Dr. Jose Paciano  Rizal  a nakaipanaganan ti nadakamat a Barangay iti Poblasion.

Iti kabigatan ti Disiembre 30, 2016, naaramid  ti Flag Raising Ceremony nga inatendaran dagiti Opisiales ti Barangay Rizal nga indauluan ni Brgy. Captain Thaddeus “Teddy” U. Soller; dagiti Opisiales ti Asosasion iti las-ud ti barangay ken dagiti lumugar iti barangay a nakipiesta.

Naisaruno ti Floral Offering iti sakaanan ti Monumento ni Dr. Jose P. Rizal babaen iti sibubukel a kameng ti Konseho ti Barangay Rizal.

Naaramid dagiti Parlor Games a nagpartisiparan dagiti Senior Citizens; agkabannuag; ub-ubbing a nangabakanda kadagiti naruay a papremio.

Nakikaysa iti panagselebrar ni Mayor Josh Edward S. Cobangbang. Kinablaawanna dagiti Opisiales ken lumugar iti Barangay Rizal iti naragsak a panagpiesta ti barangay-da. 

Naangay ti Thanksgiving Mass iti sango ti Barangay Hall iti Barangay Rizal iti kamalmanna ket inatendaran dagiti lumugar ken inannong ni Rev. Fr. Felix A. Costales ti panagmisa. Naisaganad ti Supper ket nalak-am dagiti naisagana a pagtaraon babaen kadagiti nagatendar kalpasan ti Misa.

Naisaganad ti Raffle Draw a nakabunotan dagiti nagasat a bumarangay a nakaala kadagiti nagduduma a papremio a kas iti Appliances ken Groceries.

Nagatendar  ken nagited ti papremio da Mayor Josh Edward S. Cobangbang; Pasado Mayor Edgardo “Ediboy” S. Cobangbang, Jr.;  Mr. & Mrs. Jeremy S. Seguban;  Mayor Glen Guzman ti Sinait  ken ni  Engr. Ronald Pano kasta metten dagiti Konsehales ti Ili nga isuda SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; SBM Josefina S. Vallejo; SBM Atty. Randy B. G.  Kinaud ken nangted pay ti papremio da Congressman DV Savellano ken ni Vice Mayor  DJ Savellano. # (Web In-Action)

No comments:

Post a Comment