Wednesday, December 14, 2016

TEKNISIAN TI LGU-CABUGAO, NAGATENDARDA ITI NATIONAL CONVENTION IDIAY CAGAYAN DE ORO CITY

Cabugao, Ilocos Sur – Babaen iti Direktiba ti DA Regional Executive Director ti DA-RFO 1 ken iti pammasingked ni Mayor Josh Edward S. Cobangbang iti LGU-Cabugao, napan nagatendar da Mr. Henry B. Saliganan ken ni Mr. Bert Vicente, agpada a Local Farmer Technician (LFTs) a nakabase iti LGU-Cabugao ken binayabay ida ni Mr. Obas Bill Y. Baclig, Supervising Agricultural Extension Worker ti DA-LGU Cabugao iti naaramid a National Convention for LFT iti National Rice Program ti DA idi Disiembre 7-9, 2016 idiay Cagayan de Oro City. 

Panggep daytoy a kombension a tingitingen iti nagdur-asan dagiti gapuanan ken implementasion dagiti LFT Projects iti lokalidad ken takuatanda  pay dagiti mainayon a pagsayaatan ken maaramid nga “interventions”  tapno agtultuloy iti balligi daytoy nga aspeto ti programa a mangidur-as iti benneg ti Agrikultura partikular iti rural areas.

Kangrunaan a nangibaklay iti kasapulan dagiti nadakamat a napan nakikombension ket iti DA-RFO 1 Rice Banner Program, San Fernando City, La Union. 

Daytoy nga aksion ken inisiatiba ket paset iti panangpasayaat iti kabaelan dagiti Teknisian tapno maserbianda nga epektibo dagiti mannalon para iti nadurdur-as a produksion iti pagay. # (Web In-Action)

No comments:

Post a Comment