Cabugao, Ilocos Sur – Naaramid ti pannakaited ti libre a ganagan para kadagiti mannalon iti Barangay Sabang, Cabugao, Ilocos Sur idi Disiembre 2, 2016. Naiyallawat dagiti sako ti ganagan kadagiti bumarangay (sag-dudua a bag iti tunggal mannalon) iti Barangay Multipurpose Hall kadaytoy a nadakamat a barangay.
Indauluan ni Mr. Nathaniel B. Galamgam, AT, ti DA-LGU Cabugao a nangibagi ken ni Municipal Agriculturist Robert S. Savella ken nangimatang iti pannakaiyawat kadagiti mannalon iti nadakamat a barangay dagiti abuno nga idauluan ni Brgy. Captain Atilano Saquiton. Nagatendar met dagiti Opisiales ti Barangay ken iti Asosasion ti mannalon.
Kabayatanna, impeksa met dagiti Opisiales ti Barangay ken dagiti mannalon iti Barangay Sabang iti naan-anay a panagyamanda iti Gobierno Munisipal nga idauluan ni Mayor Josh Edward S. Cobangbang iti agtultuloy a panangtarabay-da kadakuada ken kasta metten kadagiti pannakabagi ti DA-LGU Cabugao.
Daytoy a gannuat ket paset iti prayoridad a programa iti pannakaidur-as ti Benneg ti Agrikultura iti LGU-Cabugao nga idauluan ni Mayor Josh Edward S. Cobangbang tapno matulongan dagiti sapasap a mannalon iti inda panagmula para iti Dry Season 2016-2017 (Nobiembre-Mayo). # (Web In-Action)
No comments:
Post a Comment