Thursday, December 29, 2016

BARANGAY QUEZON FIESTA, NASELEBRARAN

Cabugao, Ilocos Sur - Naaramid ti panagselebrar ti Barangay Fiesta ti Barangay Quezon, Cabugao, Ilocos Sur idi Disiembre 26-28, 2016 iti Barangay Auditorium-da  iti nadakamat  a barangay.

Naaramid ti Thanksgiving Mass iti malem ti Disiembre 28, 2016 babaen iti panangannong ni Rev. Fr. Felix A. Costales ken nagatendaran dagiti bumarangay nga idauluan ni Brgy. Captain Nida S. Braceros agraman dagiti kameng ti Konsehona ket naangay ti Nasantuan a Misa iti Barangay Plaza.

Nagatendar iti Brgy. Quezon Fiesta 2016  ni Mayor Josh Edward S. Cobangbang ken dagiti Opisiales ti Barangay ken dagiti lumugar 
a nakidanggay iti nasao a panagrambak ti Piesta iti karabiyan ti Disiembre 28, 2016. 

Iti Mensahe ni Mayor Josh Edward, kimmablaaw ken nagyaman iti pannakikaysana kadagiti Opisiales ken lumugar iti panagpiesta ti Barangay Quezon. Kinablaawanna iti narambak a panagselebrar dagiti agindeg iti Barangay Quezon.

Kabayatanna, nangidonar ti Chief Executive iti Telebision a mausar iti panagisuroda iti Day Care ditoy a barangay.

Naisaruno a naaramid ti Awarding Ceremonies kadagiti nangabak ken nakagun-od ti premio iti dayta met la a gundaway.

Indauluan dagiti Opisiales ti Barangay  ken iti Pribado a Sektor ti timmulong iti panagballigi iti nadakamat a Barangay Fiesta. # (Web In-Action)

No comments:

Post a Comment