Thursday, December 1, 2016

MAKINARIA KEN LUGAN TI LGU-CABUGAO, NABENDISIONAN

Cabugao, Ilocos Sur – Naaramid ti pannakabendision dagiti kabarbaro a  Makinaria ken Lugan ti Local Government Unit (LGU)-Cabugao ita a  Disiembre 1, 2016 babaen iti panangbendision   ni Rev.  Fr.   Felix Costales, Parish Priest, St. Mark the Evangelist, Cabugao, Ilocos Sur  ken naaramid ti pammendision ditoy  Munisipio.


Iti nasao a seremonia, indauluan ni Mayor Josh Edward S. Cobangbang dagiti nangimatang  ken bimmayabay da SBM Danny Q. Gazmen;  SBM Vicky S. Serna; SBM  Dr. Jemaima S. Tan-Yee; SBM Josefina S. Vallejo; Municipal Treasurer Lourdes A. Azcueta; Municipal Engineer Crescencio Marcos C. Formoso; ABC President Thaddeus U. Soller; MSWD Officer Mrs. Lydia S. Gazmen; MPDC Florante S. Jara ken ni GSO Racquel S. Ancheta.

Dagiti kabarbaro a Makinaria ken Lugan ket  dagiti sumaganad: 1 a Man Lifter (Boom truck); 2 a Garbage compactor; 1 a Flatbed truck; 1 Loader; 1 Water Truck;  1 a Back Hoe; 1 Road Roller;  tallo a dumptruck; ken 1 a mini-bulldozer.

Nakipaset met dagiti  Staff iti  Office of the Mayor agraman dagiti Personnel iti nadumaduma a Departamento/Section ti LGU-Cabugao iti nadakamat a seremonia ti pammendision.  # (Web In-Action)

No comments:

Post a Comment