Thursday, December 8, 2016

UMUNA A NAGSELEBRAR DAGITI 4 Ps ITI PASKUA 2016!

Cabugao, Ilocos Sur –  Naangay ti Family Development Session (FDS) ken  Christmas Party  dagiti kameng ti Pantawid Pamilyang Pilipino Program (4Ps) agraman dagiti Parent-Leaders (PLs)  ti uppat a barangay iti Poblasion a kas iti Barangay Rizal; Bonifacio; Quezon;  Baclig;  ken Turod Patac idi Disiembre 5, 2016 iti Cabugao Cultural and Sports Complex, Brgy. Rizal, Cabugao, Ilocos Sur.

Naaramid ti serye ti panaglektiur babaen iti panagilawlawag dagiti Staff ti Municipal Link - 4 Ps nga isuda Ms. Jessie Ann O. Tabut; Miss Aida S. Cueto; Miss Juliet Madriaga; Ms. Rosemarie Pespes; ken ni Ms. Grace Rodillas, Roving Bookkeeper ti 4 Ps. 

Daytoy a panagtitipon ket maibilbilang metten a panagselebrarda iti Paskua 2016 ta kalpasan iti panagmimitingda ket naangay dagiti aktibidad a napagkokontesanda. 

Maitultuloy daytoy nga aktibidadda kadagiti dadduma a Cluster 4 Ps  iti 33 a barangay ti Munisipalidad agingga a masapasapda amin.

Dagitoy nga aksion ken inisiatiba ket maigapu iti pro-poor program ti Gobierno Munisipal nga idauluan ni Mayor Josh Edward S. Cobangbang iti pannakikammayetna iti Ahensia ti DSWD iti napintas a maaramidan dagiti programa a maisaksaknap kadagiti barangay tapno maragpat ti sapasap a panagrang-ay ken ragsak iti Pamilia ken dagiti umili ti Cabugao. # (Web In-Action)

No comments:

Post a Comment