Monday, December 5, 2016

MAYSA TI LGU-CABUGAO A NABIGBIG ITI SUPORTANA ITI 4 Ps

Cabugao, Ilocos Sur – Kalpasan ti Flag Ceremony iti Disiembre 5, 2016, naipakaammo dagiti napintas a damag iti benneg ti LGU-Cabugao  a kas iti sumaganad:

1. Impakaammo ni SB Secretary Maxfel S. Suboc ti eskediul ti lima a Departamento ti LGU nga agatendar iti deliberasion ti Sangguniang Bayan Session para iti Annual Budget 2017.


2. Impakaammo ni HRM Officer Mimi S. Sison dagiti agkasangay nga Opisial ken Empleado iti Disiembre 2016  ket indauluan ni Mayor Josh Edward S. Cobangbang dagiti napan iti sango nga agkasangay ket kinantaan ida  ti Pamilia-LGU iti Birthday Song.

3. Kinablaawan ni Mayor Josh Edward dagiti kaduana nga agkasangay iti bulan ti Disiembre; dagiti katinnarabayna nga Opisiales-Lokal ti Ili;  Department/Section  Heads dagiti Opisina ti LGU;  kameng ti PNP ken iti amin nga LGU Personnel.

4. Nagsarita ti pannakabagi ti PNP-Cabugao iti pakaseknan ti Direktiba ti PNP.

5. Inyam-ammo ni Mrs. Janet Sison, Public Health Nurse ti RHU-Cabugao iti  kabarbaro a Doktor iti LGU-Cabugao.

6. Naipakaammo iti pannakaawat ni Ms. Lalaine Arizanga ti Pammadayaw ken iti Certificate of Participation manipud iti DSWD-FO 1 a kas Municipal Entry (3rd Place)  iti  naaramid a Provincial Search for Exemplary Pantawid Pamilya Children 2016 ken napadayawanda idiay Panlipunan Hall, DSWD-FO 1, City of San Fernando, La Union. 


7. Naited ti Pammadayaw ken Certificate of Participation iti Cabugao National High School manipud iti DSWD-FO 1 gapu iti suportana iti Provincial Search for Exemplary Pantawid Pamilya Children 2016. 

8. Naited met ti Pammadayaw ken iti Certificate of Participation iti Local Government Unit (LGU)-Cabugao manipud iti DSWD-FO 1  gapu iti suporta ken kooperasionna iti pannakaiwayat ti Provincial Search for Exemplary Pantawid Pamilya Children 2016.

Dagitoy a pammigbig ket naited babaen iti panangidaulo ni Hon. Marcelo Nicomedes J. Castillo, Regional Director ti DSWD. 

Nakikaysa dagiti Opisiales ti Ili nga isuda SBM Vicky S. Serna; SBM Dr. Jemaima S. Tan-Yee; SBM Josefina S. Vallejo; ken dagiti Staff ti DSWD- Municipal Link ti LGU-Cabugao.

Kanaig daytoy, impeksa ti Municipal Chief Executive  iti ragsak ken panagyamanna kadagitoy a nagun-od a pammigbig ti Gobierno Munisipal. 

“Advance Merry Christmas  and New Year!” kinuna pay ni Mayor Josh Edward. # (Web In-Action) 

No comments:

Post a Comment