Monday, December 12, 2016

FERTILIZER DISTRIBUTION TI BARANGAY BACLIG, NAARAMID

Cabugao, Ilocos Sur - Nairingpasen   ti  pannakaited  ti libre a ganagan kadagiti mannalon iti Barangay Baclig,  Cabugao, Ilocos Sur iti  Disiembre 12, 2016. Naiyallawat  dagiti sako ti ganagan kadagiti bumarangay (Farmer ID Holder)   iti sango ti Barangay Hall  iti nadakamat a barangay. 


Indauluan ni Mayor Josh Edward S. Cobangbang iti nangi-release kadagiti subsidized fertilizer a binayabay dagiti Staff ti DA-LGU Cabugao nga imatonan ni Municipal Agriculturist Robert S. Savella  iti  nangimatang iti pannakaiyawat kadagiti mannalon iti nadakamat a barangay kadagiti abuno nga indauluan da Brgy. Captain Carlos V. Sison ken ti Farmers Association President.

Kabayatanna, binigbig ni Mayor Josh Edward S. Cobangbang iti kinatunos dagiti Opisiales ti Barangay ken Mannalon a mangsabat kadagiti sumangpet a pagsayaatan kadagiti kalugaranda.

Kuna pay ni Mayor Josh Edward nga agyaman unay iti agtultuloy a programa a mangtulong  kadagiti  mannalon  ken makomplementaran dagitoy  a kinaregtada  iti Sektor-Agrikultura babaen iti agtultuloy  a  panangtarabay ti Gobierno Lokal. 


Kabayatanna, impeksa met  dagiti Opisiales iti nadakamat a barangay iti  naan-anay a  panagyamanda iti Gobierno Munisipal nga idauluan ni Mayor Josh Edward S. Cobangbang   iti agtultuloy a panangtarabay-da   kadakuada  ken kasta metten kadagiti pannakabagi ti DA-LGU Cabugao.

Daytoy a gannuat ket paset iti prayoridad a  programa iti pannakaidur-as ti Benneg ti Agrikultura iti LGU-Cabugao   nga idauluan ni Mayor Josh Edward S. Cobangbang tapno matulongan  dagiti sapasap a mannalon iti inda panagmula para iti Dry Season 2016-2017  (Nobiembre-Mayo). # (Web In-Action)

No comments:

Post a Comment