Tuesday, December 13, 2016

CHRISTMAS PROGRAM 2016 TI CABUGAO SENIOR CITIZENS, NAANGAY

Cabugao, Ilocos Sur – Naangay ti Christmas Program 2016  ti  Cabugao Federated Senior Citizens nga idauluan ni Mr. Bonifacio Somera, Presidente, iti Disiembre 13, 2016.

Sakbayna, nasapa a napan nakimisa iti Cabugao Catholic Church  dagiti kameng sada nagtarus iti Cabugao Cultural and Sports Complex Center, Brgy. Rizal. Cabugao, Ilocos Sur  a nakaangayan ti programa ken selebrasion.


Opening Prayer ti inakem ni Dr. Romeo Pira; Pambansang Awit ken Cabugao Hymn ti indauluan ni Ms. Corazon Suboc.

Nag-Welcome Talk ni Mr. Bonifacio Somera, Presidente. Inawisna ti amin a makipaset kadaytoy a panagselebrarda  a kas panangipasimudaag iti panagruknoy iti pannakaipasngay ti Mannubbot a mangisalakan.

Nangipaay ti Mensahena ni Mayor Josh Edward S. Cobangbang. Kimmablaaw  ken nagyaman ta makipagkaykaysa latta dagiti Lolo ken Lola a makipagselebrar iti Naindaklan a Pannakaipasngay ti Mesias. Kinunana a maysa kadagiti napateg nga ikkan ti importansia ket dagiti Senior Citizens ta isuda pay laeng iti pagulidanan kadagiti tagipatgen nga ug-ugali a tuladen ti sapasap ket dakkel met iti pasetda a makipagrambak ken maikkan iti sagut ita a Paskua 2016.


Nangipaay met ti Mensahena ni MSWD Officer  Mrs. Lydia S. Gazmen ket bininsana ti pateg ti panangipaay ti ayat, panagisagut ken pannakitimpuyog iti inaldaw kangrunaan iti panawen ti Paskua. Dinayawna pay  ti tunos dagiti nataengan a makidanggay iti amin nga aktibidades nga igannuat ti Munisipio.

Nangipaay ti Intermission Number dagiti pannakabagi ti nadumaduma a Senior Citizen Barangay Chapter babaen iti Vocal Solo; Duet ken Chorus. Nagkanta pay ni CSC President Bonifacio S. Somera.

Nag-Mensahe ni Retired Judge Efren S. Ubungen ket linagipna dagiti namaris a panawen ti pannakigamulona iti pagsayaatan ti kapatadanna ken iti ilina agingga iti agdama. Innayon ti Hues a napateg a lagipen ti pannakayanak ti Mesias a sarikedked ti Sangkataw-an.


Panagsisinnagut ti kangrunaan nga anag ti Mensahe da Vice Mayor DJ Savellano ken ni  SBM Atty. Bryan Jett S. Pano, Committee Chairman on Social Services kadagiti naitallaong iti daytoy a selebrasion.


Naisaganad ti pannakaaramid ti Raffle Promo ken Exchange Gift. Indauluan da Mayor Josh Edward ken ni Vice Mayor DJ iti nangited iti sagsagut ken bambanag a maaramat iti Raffle Draw kasta metten a nangipaay met da SBM Danny Q. Gazmen ken ni  SBM Vicky S. Serna. 

Nakikaysa pay dagiti Staff ti  MSWDO  iti daytoy a Christmas Celebration. # (Web In-Action)

No comments:

Post a Comment