Monday, December 19, 2016

MAINAYON A BARO A COMMERCIAL BUILDING, MAIPATAKDER IDIAY TIENDAAN

Cabugao, Ilocos Sur – Naaramid ti Groundbreaking Ceremony iti maipatakder  a baro a Two-Storey  Cabugao Commercial Building Annex II iti ili ti Cabugao, Ilocos Sur idi Disiembre 19, 2016 iti uneg ti NISTC Public Market, Brgy. Rizal, Cabugao, Ilocos Sur a nagatendaran dagiti Opisiales ti LGU-Cabugao nga idauluan ni Mayor Josh Edward S. Cobangbang agraman dagiti kameng ti Konseho Munisipal ken dagiti umili a nakaimatang iti  nadakamat a seremonia.


Binayabay ni Mr. Pablo Tan ni Mayor Josh Edward  iti panangisulbongda iti Program of Works ken Plano iti Time Capsule iti pannakaipatakder ti nasao a pasdek iti imatang ti publiko.  

Inalay-ayan ni Mayor Josh Edward  ti singdan ti Time Capsule ket simmaruno ti pananggaborda iti naipauneg a banag  babaen iti panagsasaruno dagiti Opisiales ti ili a nangusar kadagiti iggemda a pala.

Nangited ti Mensahe ni Mayor Josh Edward S. Cobangbang. Kimmablaaw ken nagyaman iti amin a nagatendar iti seremonia. Kinuna ti  Alkalde Munisipal a babaen iti agtultuloy a talek ken suporta iti amin iti  agdama nga Administrasion, pumarpardas ti panagprogreso ti ili a Cabugao babaen iti kaadda dagiti naayat a partner iti panagdur-as. 


Nagatendar met da SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; SBM Josefina S. Vallejo; ABC President Thaddeus U. Soller; SBM Atty. Randy B.G. Kinaud ken ni Municipal Engineer Crescencio Marcos C. Formoso. 

Nasangaili iti nasao a seremonia  da    Pasado Mayor Edgardo “Ediboy” S. Cobangbang, Jr.; Vice Mayor Elaine Sarmiento ti ili iti San Juan  ken ni Mr. Vincent Tan.  

Nagpaay nga Emcee ni Mr. Dario Roy Siruno, Municipal Information and Tourism Officer.  # (Web In-Action)

No comments:

Post a Comment