Friday, December 2, 2016

DISTRIBUTION TI GANAGAN IDIAY BRGY. NAMRUANGAN, NAIWAKAS

Cabugao, Ilocos Sur – Naileppasen   ti pannakaited  ti libre a ganagan kadagiti mannalon iti Barangay Namruangan, Cabugao, Ilocos Sur idi  Disiembre 2, 2016. Naiyallawat  dagiti sako ti ganagan kadagiti bumarangay (Farmer ID Card Holder)   iti Covered Court kadaytoy  a nadakamat a barangay. 


Indauluan dagiti Konsehales ti Ili nga isuda SBM Danny Q. Gazmen; SBM Atty. Randy Baniaga G. Kinaud, Committee Chairman on Agriculture; SBM Vicky S. Serna ken ni SBM Josefina S. Vallejo a binayabay dagiti Staff ti DA-LGU Cabugao nga imatonan ni Municipal Agriculturist Robert S. Savella  ti  nangimatang iti pannakaiyawat kadagiti mannalon iti nadakamat a barangay kadagiti abuno  nga idauluan  ni Brgy. Captain  Robertson R. Gorospe. Nagatendar met dagiti Opisiales ti Barangay ken iti Asosasion ti mannalon.

Kabayatanna, ap-apresiaren ni Mayor Josh Edward S. Cobangbang iti kinatunos dagiti Opisiales ti Barangay ken Mannalon a mangabrasa kadagiti sumangpet a pagsayaatan iti barangay-da.

Kuna pay ni Mayor Josh Edward nga agyaman unay kadagiti maipakpakita a talek ken pammati dagiti amin a mannalon iti barangay iti Gobierno Munisipal ket agtultuloy daytoy a programa para iti pagsayaatan a maited kadakuada  ken manaynayonan tapno makomplementaran dagitoy  a kinaregtada  iti Sektor-Agrikultura. 


Kinomendaran ti Alkalde Munisipal iti regta dagiti mannalon a mangpatibker iti sektor-da nga agpataud ti pagtaraon iti sapasap ket kaikarianda latta ti maikkan iti pannarabay nga aggapu iti Gobierno Lokal. 

Kabayatanna, impeksa met  dagiti Opisiales ti Barangay ken dagiti mannalon iti Barangay Namruangan iti  naan-anay a  panagyamanda iti Gobierno Munisipal nga idauluan ni Mayor Josh Edward S. Cobangbang   iti agtultuloy a panangtarabay-da   kadakuada  ken kasta metten kadagiti pannakabagi ti DA-LGU Cabugao.

Daytoy a gannuat ket paset iti prayoridad a  programa iti pannakaidur-as ti Benneg ti Agrikultura iti LGU-Cabugao   nga idauluan ni Mayor Josh Edward S. Cobangbang tapno matulongan  dagiti sapasap a mannalon iti inda panagmula para iti Dry Season 2016-2017  (Nobiembre-Mayo). # (Web In-Action)

No comments:

Post a Comment