Tuesday, December 6, 2016

KABAYBAYAN TI ILI A CABUGAO, MAIWAYWAYAT TI COASTAL RESOURCE ASSESSMENT

Cabugao, Ilocos Sur – Maiwaywayat ti aktual a pannakaamiris dagiti kabaybayan ti ili a Cabugao  partikular dagiti ruot ti baybay (seaweeds); coral mangrove ken klase dagiti ikan  a masarakan ditoy   babaen iti panangigannuat dagiti pannakabagi ti DENR-RO1; ERMO-Ilocos Sur; BFAR ken iti LGU-Cabugao, Ilocos Sur mangrugi iti Disiembre 5, 2016 agingga iti Disiembre 9, 2016.


Segun ken ni Ms. Rowena A. Abella, Integrated Coastal Management Coordinator, ENRMO-Ilocos Sur, adda umabot nga 18 Coastal Municipalities ti Probinsia ti Ilocos Sur ket adda 11 a Munisipalidad a mailepleppas ti Coastal Management Plan-na.

Innayon ni Ms. Abella a nakaeskediul iti lima nga aldaw ti maiwayat a Participatory Coastal Resource Assessment (PCRA) ditoy ili ti Cabugao ket kalpasan ti aktual a pannakaamiris ti kabaybayan ket maaramid ti interview kadagiti mangngalap a bayabayen dagiti Opisiales dayta a Barangay ken dagiti pannakabagi ti Munisipio. 

Ti pakaseknan ti kabaybayan ket masakupan iti pagrebbengan nga ipatungpal da SBM Atty. Randy Baniaga G. Kinaud, Committee Chairman  on Environment and Natural Resources ken ni Municipal Fisheries Coordinator Milagros R. Paz.

Iti pannakaiwayat ti Assessment, nakikaysa pay da Mr. Kyle Connely, Peace Corps Volunteer-Coastal Resource Management (CRM); Cabugao Rescue Team nga idauluan ni Engr. Nestor B. Somera; BFAR Personnel; Staff ti ENRMO-Ilocos Sur ken ti DENR-FO1, ken Opisiales ti Barangay. # (Web In-Action)

No comments:

Post a Comment