Monday, December 19, 2016

CABPUSTERA CHRISTMAS PROGRAM & PARTY 2016, NAANGAY

Cabugao, Ilocos Sur – Naangay ti Christmas Program & Party 2016   ti Cabugao Public School Teachers,  Employees and Retirees iti Pagtaengan ti Karylle Catering idi Disiembre 18, 2016.

Nasapa a naangay ti business meeting. Naituloy ti programa kalpasan ti Fraternal Luncheon.


Nasangaili ken nangted ti Mensahe ni Mayor Josh Edward S. Cobangbang iti nadakamat a Christmas Party.  Kimmablaaw ken nagyaman iti pannakikaysana iti panagtitipon  dagiti mangisursuro iti intero a Cabugao DepED District.

Impeksa ni Mayor Josh Edward ti panangbigbigna iti akem dagiti mangisursuro a naanus a manghulhulma kadagiti ubbing tapno agbalinda a naresponsable nga umili ken iti agtultuloy a napintas a partnership ti LGU ken ti DepED iti pannakaipatungpal kadagiti napipintas a programa ken proyekto a para iti pagsayaatan dagiti agbasbasa ken iti komunidad.

Inkanayon  met nga inyebkas ti Alkalde Munisipal iti nabara a kablaawna iti sapasap ken dagiti mangisursuro iti pannakaselebrar ti naragsak a paskua ken nagasat a baro a tawen a pakabuklan iti napaut a  Holiday Season.

Nangted met ti Mensahena ni SBM Dr. Jemaima S. Tan-Yee, Committee Chairman on Education. Kimmablaaw ken nagyaman. Anag ti mensahena iti kaipapanan ti panagsisinnagut ken napintas a panagdadanggay para iti selebrasion ti Paskua 2016.


Iti Programa, naipresentar dagiti napagasatan a nagretiro iti serbisioda a kas mangisursuro.

Nagsarita met ni Dr. Consesa T. Rumias, Ed. D., Public Schools District Supervisor.

Naaramid pay ti pannakaibasa ti Highlights on the Life of 2016 Retirees.

Naiballaet dagiti Intermission Number  dagiti  Teachers. 

Naaramid pay ti raffle draw dagiti naited a papremio kasta metten a naipaayan  iti sagut dagiti nagatendar.

Nagyaman ni Mrs. Estrellita M. Siruno, Principal II ti Cabugao North CS iti amin a nakipaset iti panagballigi iti nasao a programa ken reunion.

Iti nadakamat a panagtitipon dagiti Teachers, nagatendar da Vice Mayor DJ Savellano; SBM Danny Q. Gazmen; SBM Vicky S. Serna; SBM Dr. Jemaima S. Tan-Yee; SBM Josefina S. Vallejo; ABC President Thaddeus U. Soller; SBM Atty. Randy Baniaga G. Kinaud; Mrs. Melvi S.  Sajonia, Principal II, Cabugao South CS ken ni Mrs. Rosemelinda Baclig, Education Program Specialist II iti DepED-Ilocos Sur. # (Web In-Action)


No comments:

Post a Comment