Tuesday, December 13, 2016

DISTRIBUTION TI GANAGAN IDIAY BARANGAY CUANTACLA, NAARAMID

Cabugao, Ilocos Sur - Naited  ti libre a ganagan kadagiti mannalon iti Barangay Cuantacla,  Cabugao, Ilocos Sur iti  Disiembre 13, 2016. Naiyallawat  dagiti sako ti ganagan kadagiti bumarangay (Farmer ID Holder)   iti sango ti Barangay Hall  iti nadakamat a barangay. 


Inimatangan  ni Mayor Josh Edward S. Cobangbang iti pannakai-release dagiti subsidized fertilizer a binayabay dagiti Opisiales ti Ili nga isuda SBM Atty. Randy Baniaga G. Kinaud, Committee Chairman on Agriculture and Cooperatives; SBM Danny Q. Gazmen, SBM Vicky S. Serna ken ni SBM Josefina S. Vallejo ken dagiti Staff ti DA-LGU Cabugao nga imatonan ni Municipal Agriculturist Robert S. Savella  iti  nangimatang iti pannakaiyawat kadagiti mannalon iti nadakamat a barangay kadagiti abuno nga indauluan da Brgy. Captain Dencio S. Sonido ken ti Farmers Association President.

Kabayatanna, binigbig ni Mayor Josh Edward S. Cobangbang iti kinatunos dagiti Opisiales ti Barangay ken Mannalon a mangawat kadagiti sumangpet a pagsayaatan kadagiti kalugaranda.


Kuna pay ni Mayor Josh Edward nga agyaman unay iti agtultuloy a programa a mangtulong  kadagiti  mannalon  ken makomplementaran dagitoy  a kinaregtada  iti Sektor-Agrikultura babaen iti agtultuloy  a  panangtarabay ti Gobierno Lokal. 

Kabayatanna, impeksa met  dagiti Opisiales iti nadakamat a barangay iti  naan-anay a  panagyamanda iti Gobierno Munisipal nga idauluan ni Mayor Josh Edward S. Cobangbang   iti agtultuloy a panangtarabay-da   kadakuada  ken kasta metten kadagiti pannakabagi ti DA-LGU Cabugao a nangiwardas ti distribusion.

Daytoy a gannuat ket paset iti prayoridad a  programa a pannakaidur-as ti Benneg ti Agrikultura iti LGU-Cabugao   nga idauluan ni Mayor Josh Edward S. Cobangbang tapno matulongan  dagiti sapasap a mannalon iti inda panagmula para iti Dry Season 2016-2017  (Nobiembre-Mayo). # (Web In-Action)

No comments:

Post a Comment