Tuesday, December 27, 2016

LGU CHRISTMAS PARTY 2016, NARAMBAKAN

Cabugao, Ilocos Sur – Naangay ti pannakaselebrar ti Christmas Party 2016 ti Local Government Unit (LGU- Cabugao) idi  Disiembre 23, 2016 iti Cabugao Cultural and Sports Complex, Brgy. Rizal, Cabugao, Ilocos Sur a nagatendaran dagiti Empleado, Bisita, ken Municipal Officials nga idauluan ni Mayor Josh Edward S. Cobangbang. 


Sakbayna, nagatendar ti Pamilia-LGU iti naaramid a Nasantuan a Misa iti Cabugao Catholic Church. Naisaganad ti pannakaangay ti panagrambak iti Sports Complex. Indauluan ni Engr. Conrado Segui ti Kararag ken linuktan ni SBM Danny Q. Gazmen ti programa. Kimmablaaw ken nagyaman ta nagtitipon iti kaaduan a mangrambak ti pannakaiyanak ti Naindaklan a Mesias. Inawisna ti kaaduan a tumaripnong iti daytoy a panagselebrar.

Naaramid ti Supper ti Pamilia-LGU.

Nag-mensahe ni Mayor Josh Edward S. Cobangbang. Kimmablaaw, nagyaman  ken dinayawna ti maipakpakita a kinaragsak ti  panagselebrar a   kangrunaan a napateg a lagipen ken rambakan daytoy a panawen ti Paskua.

Nagyaman ti Ama ti Ili iti pannakaisagana daytoy a tinawen a panagselebrar ket awan ti pangisukatanna iti napintas a timpuyog ken panagkaykaysa dagiti mangbukel iti Gobierno Munisipal ti Cabugao.

Bininsa ti Ama ti Ili ti pateg ti panangiburay ti Sagut ita a Paskua a kas maysa a napateg a ramit iti panagkikinnaawatan para iti nakaysa a kagimongan nga umili ti Cabugao, Ilocos Sur.


Napadayawan ni Dr. Bernardino P. De Gracia III, dati nga OIC Municipal Health Officer ti LGU-Cabugao iti panagserbisiona iti 3 a Tawen ditoy Cabugao babaen iti pammasingked ti naibasa a  Resolusion ti Sangguniang Bayan iti ili.

Impeksa met ni Dr. De Gracia iti ragsakna ken  panagyamanna kadagiti umili ti Cabugao.

Simmaruno ti pannakaipresentar iti sango  dagiti 20 nga Empleado ti LGU-Cabugao  a nakagteng iti kapaut ti tawen iti serbisio a pinadayawan ti Civil Service Commission (CSC).

Naaramid dagiti Parlor Games ken Team Presentations dagiti uppat  a Team (Red, Orange, Blue ken Yellow) iti LGU-Cabugao.

Indauluan ni Mayor Josh Edward a kaduana dagiti Opisiales ti Ili ti   nagbunot kadagiti na-raffle a numero a nakagun-odan dagiti nangabak nga LGU Personnel kadagiti   Papremio nga Appliances ken Cash Prizes. 

Kamaudianan ti programa iti pannakaala ti tunggal empleado iti sagut a pang-Noche Buena.

Nakikaysa iti selebrasion da Pasado Mayor Edgardo  “Ediboy” S. Cobangbang, Jr.; Former Mayor Dely Soller-Tan; Mrs. Jerlie Seguban-Cobangbang;  Vice Mayor DJ Savellano; SBM Danny Q. Gazmen; SBM Dr. Jemaima S. Tan-Yee; SBM Vicky S. Serna; SBM Atty. Randy B. G. Kinaud; SBM Josefina S. Vallejo; ABC President Brgy. Captain Thaddeus “Teddy” U. Soller; MPDC Florante S. Jara; Municipal Engineer Crescencio Marcos C. Formoso; SB Secretary Maxfel S. Suboc; Dr. Bernardino P. De Gracia III ken dagiti amin a Department Heads/Section Chiefs ti LGU-Cabugao.  # (Web In-Action)

No comments:

Post a Comment