Cabugao, Ilocos Sur – Naangay ti regular meeting ti Cabugao Senior Citizen Association babaen ti panag-Preside ni Mr. Remigio B. Sunico, OSCA Head iti Setiembre 11, 2012 iti Senior Citizen Building, Brgy. Rizal, Cabugao, Ilocos Sur.
Dagiti natratar ken napagnanamingan:
- Agsasaganad a panagtitiponda tapno maisaganada a nasayaat dagiti papeles ken requirements iti maisayangkat a Regional Evaluation ti Senior Citizen ditoy Cabugao.
- Naibasa ti simrek, naggastuan ken balance ti pundo nga iggem ti Treasurer.
- Napagsasaritaan a naballigi dagiti dadduma a pakaseknan ti asosasion.
Impeksa dagiti opisiales ti asosasion ti panagyamanda iti panangtulong kadakuada ti Gobierno Munisipal nga idauluan ni Mayor Edgardo “Ediboy” S. Cobangbang, Jr. iti dandanin malpas a dua a Comfort Room ken Lababo iti uneg ti pasdek ti Senior Citizen Building.Imbatad ni Mr. Orencio Sadioa, Senior Citizen President ti Brgy. Cael-layan nga agtultuloy ti panagiplanoda kadagiti proyekto ken aktibidadesda a nataengan tapno maipariknada met nga adda pay ti kaimudinganda iti kagimongan a paggargarawanda. # (Web In-Action)
No comments:
Post a Comment