Cabugao, Ilocos Sur – Maangay ti dua nga aldaw a seminar dagiti Enumerators ken implementing agencies ti Registry System for Basic Sector on Agriculture (RSBSA) mangrugi iti Setiembre 12, 2012 agingga iti Setiembre 13, 2012 iti Cabugao Cultural and Sports Complex, Brgy. Rizal, Cabugao, Ilocos Sur.
Buklen dagiti agpartisipar dagiti Brgy. Captains, Brgy. Secretaries ken 29 nga Enumerators kasta met dagiti dadaulo ti nagkakammayet nga ahensia ken opisina a kas iti National Statistics Office (NSO), MPDC, MAO, MARO, LCR ken DILG-MLGOO.
Iti anag ti mensahe ni Mayor Edgardo “Ediboy” S. Cobangbang, Jr. iti panangrugi ti seminar ket ingunamgunamna kadagiti maseknan nga Opisina ken Ahensia iti masakupan ti LGU-Cabugao nga itrabahoda ti pannakaadda daytoy a mapagtalkan a datos ti kaaduan nga umili ti Munisipalidad tapno adda natalged a pagbasaran nga maadaptar kadagiti mabukel ken maipatungpal a programa a pagsayaatan ti sapasap.
Manamnama nga aglektiur dagiti dadaulo ti nadakamat nga Opisina para iti dua nga aldaw a paseminar. # (Web In-Action)
No comments:
Post a Comment