Cabugao, Ilocos Sur – Naangay ti Validation and Evaluation ti Environmental Management Bureau, Regional Office No. 1 ditoy ili a Cabugao iti Setiembre 13, 2012 babaen ti panangigiya ti DILG-MLGOO ken MENRO kadagiti Evaluators pakaseknan iti a) segregation of solid wastes at sources, segregated collection of solid wastes, establishment and operationalization of MRF ken Functional Barangay ESWM Committee kas sagudayen ti implementasion ti RA 9003, “The Ecological Solid Waste Management Act of 2000”.
Imbatad ni Forester Ramon G. Estoque, Team Leader, a nainominar manen ti ili a Cabugao para iti “MODEL LGU with Best Practices on Solid Waste Management Program” iti 2012.
Tinarabay da MENRO Edgar S. Balangatan ken MLGO Officer Connie L. Quinola dagiti evaluators ket nabingay ti grupoda a nagbisita kadagiti maibilang nga urban barangays kas iti Brgy. Pug-os, Baclig, Bonifacio, ken Rizal.
Naaramid ti nasao nga ebaluasion iti Setiembre 12-13, 2012 babaen iti surat ni Hon. Joel G. Salvador, CESO 1V, DENR Regional Director ken ni Mayor Edgardo S. Cobangbang, Jr.
Ti Cabugao ket maysa kadagiti walo nga ili ti Rehion Uno a napadayawan iti kastoy a kabaelan ti LGU-na. Tinawen a maang-angay daytoy a panangsapul ti makabael nga ili a makaaramid ken makaipakat ti sinaguday ti linteg ti panangtagiben iti solid wastes. # (Web In-Action)
No comments:
Post a Comment