Cabugao, Ilocos Sur – Naangay ti Investiture Ceremony ti Cabugao GSP District Committee iti Cabugao South Central Open Auditorium idi malem ti Setiembre 26, 2012 a nagpartisiparan dagiti Twinklers Scout, Star Scout ken Junior Scout, mangisursuro, nagannak ken bisita/balikbayan a nangimatang ti programa.
Immuna a paset ti programa ket ti Entrance of Girls by GSP March, Prayer ni Kateleen Yanna Marie Somera, kasta met ti serrek ti Colors nga idauluan ni Noreen Jessica Dacles, Presiding Officer ken naisaruno ti Panunumpa ng Katapatan sa Watawat babaen ken ni Frances Mae Sajonia.
Kimmablaaw ken nagyaman ni Mrs. Melvi S. Sajonia, School Commissioner, iti natunos a pannakaisayangkat ti aktibidad ti GSP ditoy a pagadalan. Innayonna a mataginayon koma ti timpuyog ti amin tapno matubay a nasayaat ti disiplina ken responsibilidad dagiti ubbing a babbai.
Naisaganad ti Investiture Ceremony kas iti Commitment to the GS Promise and Law, Acceptance of the Girls to the Movement, Pinning of Investiture Pins, ken Dedication to the Girl Scout Promise and Law.
Nagsarita met ni Public Schools District Supervisor Helen V. Siruno ket dinayawna ti aktibo a pannakaaramid ti kakastoy nga aktibidad gapu iti napintas a timpuyog dagiti mangisursuro a mangig-iggem ti programa ti Girl Scout.
Impaay met ni SB Member Vicky S. Serna, GSP District Committee Chairman ti mensahena para iti daytoy a programa. Bininsana ti kaipapanan ti Tema, ken pannakasalaknib ti karbengan dagiti babbai iti kagimongan.
Naaramid ti special number dagiti tropa: Nagsala dagiti Happy Twinklers, Sweet Star Scouts, Jolly Junior Scouts. Impaay ti Words of Gratitude ni Mrs. Editha S. Savellano, School GSP Coordinator. Pinagyamananna ti panagballigi ti programa babaen ti kooperasion ti amin a nagpartisipar.
Naaramid ti Singing of Ilocos Sur Hymn iti recessional. Nagpaay nga emcee da Ms. Jennifer D. Savellano ken Ms. Perla S. Sajonia. # (Web In-Action)
No comments:
Post a Comment