Thursday, September 6, 2012

MEETING-WORKSHOP TI BNS-CABUGAO, NAANGAY

Cabugao, Ilocos Sur – Naangay ti monthly meeting ti Barangay Nutrition Scholars  (BNS) iti panangidaulo ni Ms. Macrina I. Saturno idi Setiembre 5, 2012 iti Municipal Conference Hall, Munisipio ti Cabugao, Ilocos Sur.

Nagtinnulong da Mrs. Joenah G. Sevilleja, Municipal Nutrition Action Officer (MNAO) ken Ms. Macrina I. Saturno a nangimaton ti miting.


Nakitaripnong ni  Mayor Edgardo “Ediboy” S. Cobangbang, Jr. ket binigbigna ti saldet dagiti BNS a katinnulong ti panakaidur-as ti programa ti Munisipio pakaseknan ti salun-at ken nutrision  dagiti imili nga agindeg  iti barangay.

Impeksa  met ni SB Member Dr. Carlito S. Pano ti panangikalikagumda iti Konseho Munisipal ti pannakapataud dagiti kasapulan ti BNS iti Barangay-da tapno mapagserbianda dagiti kabarangayanda.


Impalagip met ni  OIC-MSWD Officer Leonora G. Reintar ti madagdagus a pannakaisubmiter ti  listaan ti household ken family members ti amin a barangay a masakupan dagiti BNS. Kalikagum  ni Mayor Ediboy a maammuan ti bilang dagiti indigent family nga awanan ngem maikkan ti libre a Philhealth kasta met iti mabenepisiaran iti sapasap a pannakaipakat ti 4 P’s iti ili ti Cabugao.

Natratar pay ti eskediul  a  panag-duty  ti tunggal  BNS iti Munisipio tapno maaramidda dagiti pagkuranganda iti rekord ken di pay na-fill up-pan a papeles a  pakaseknan iti trabahoda. # (Web In-Action)

No comments:

Post a Comment