Cabugao, Ilocos Sur – Nagun-od ti tallo nga asosasion ti proyekto manipud iti Agriculture Training Institute (ATI)-Region 1 ken DA-RFU 1 idi Setiembre 20, 2012 iti DA Provincial Center, Batac City, Ilocos Norte.
Naawat ti 4-H Club, Brgy. Namruangan iti Livelihood Project nga aggatad ti P100,000, Kuliglig with Complete Accessories ti Bungro Farmers Association ken Water Pump (Kubota RK 70) ti Baclig Farmers Association.
Kalpasan a maawat dagiti Opisiales dagitoy nga asosasion dagiti nadakamat a gatad ken ramit, simmangbayda iti Munisipio ket inimatangan ken nakikaysa ni Mayor Edgardo “Ediboy” S. Cobangbang, Jr. kasta met dagiti pannakabagi ti DA-LGU iti pannakaitalek dagitoy a proyekto kadagiti nadakamat nga asosasion.
Ti pannakapapigsa dagiti asosasion babaen ti panangtarabay ti LGU ket paset ti programa ti Gobierno Munisipal a pannakaidur-as ti Sektor-Agrikultura a kangrunaan a pagbiagan dagiti umili ti Cabugao. # (Web In-Action)
No comments:
Post a Comment