NAGMITING TI FEDERATED SENIOR CITIZEN

Cabugao, Ilocos Sur – Nagtataripnong dagiti Opisiales ken kameng ti Federated Senior Citizen of Cabugao, Ilocos Sur nga idauluan da Mr. Antonio N. Sabio ken OSCA Head Remigio B,. Sunico iti Senior Citizen Center, Brgy. Rizal, Cabugao, Ilocos Sur.

Kangrunaan a tinamingda ti panangselebrarda ti Elderly Month ti bulan ti Oktubre 2012. Kasta pay ti panang-evaluateda ti nagsaysayaatan dagiti napalabas nga aktibidades ken no kasano nga ipatungpalda dagiti Action Plan-da a dadduma para iti daytoy a Tawen 2012.

Naisamira met a na-update ken  nataming ti Saranay ti tunggal kameng nangruna dagiti maseknan a pamilia.

Ti panangtulong ti Gobierno Munisipal babaen ti panangimaton ti MSWDO ken  RHU kadagiti nataengan ket agtultuloy a programa a mangiparikna ti ayat ken pammateg kadagiti Senior Citizen iti Munisipalidad. # (Web In-Action)