Cabugao, Ilocos Sur – Naaramid ti maysa a salu-salo a nakikaysaan ti grupo da Diputado Ryan Luis V. Singson, First District, Ilocos Sur ken ni Mayor Edgardo “Ediboy” S. Cobangbang, Jr. kadagiti kameng ti Cabugao Muslim Traders Association nga idauluan ni Mr. Halil Omar idi Setiembre 7, 2012 iti pagtaengan ni Mr. Abdulgani Dumacil iti Sitio Lusong Suyo, Barangay Baclig, Cabugao, Ilocos Sur.
Imbatad ni Mr. Halil Omar, Presidente ti CMTA a daytoy a panagtataripnongda ket kanaig iti panangselebrarda iti naballigi a panagleppas ti makabulan a Ramadan (Eidilfiter) ken ti panagkasangay ni Mayor Ediboy idi Agosto 18, 2012 a nairana a kangitingit ti Ramadan.
Innayon ni Mr. Omar a naragsakda a nanglak-am iti Muslim Recipe nga inda napagsasanguan iti dayta a panaglalangenda.
Naitaripnong met da dati nga Provincial SK Federated President DJ Savellano, ISECO Director Tirso “Bong” Savellano, ABC President, Brgy. Captain Teddy U. Soller, Brgy. Captain Inocencio Sadac ti Brgy. Turod ken Former SB Member Carlos Sison. # (Web In-Action)
No comments:
Post a Comment