Cabugao, Ilocos Sur – Agtultuloy ti Tax Mapping Drive dagiti pannakabagi ti Municipal Assessor’s Office, LGU-Cabugao, Ilocos Sur tapno mapabaro dagiti daanen a dokumento ken tapno maammuan dagiti baro nga agtagikua kadagiti daga (naipatawid/nabingay ken nagatang) kadagiti barangay ti Munisipalidad.Idi Setiembre 4, 2012, kinauman ti Web In-Action ti grupo dagiti Taxmappers a nagturong iti Barangay Catucdaan a nagtarabahuanda. Buklen ti grupo da Jerry Salom, Christian Serdenia, Erwin Cobangbang, Joji Sevilleja ken Robert Galamgam. Nareggetda a nangipatungpal ti trabahoda iti dayta nga aldaw.
Ti Tax Mapping Drive ket paset ti programa ti LGU-Cabugao nga idauluan ni Mayor Edgardo “Ediboy” S. Cobangbang, Jr. tapno maammuan ti umisu a mangbayad ti pagrebbenganna (Amiliar) iti lote wenno daga.
Kanaig daytoy a gannuat ti pannakanayon ti masapulan ti Munisipio a maipaay met laeng iti umili babaen iti porma ti nagkaadu a serbisio a maited kadakuada. # (Web In-Action)
No comments:
Post a Comment