Tuesday, May 5, 2015

2nd REGIONAL 4-H YOUTH CAMP, NAANGAY

Cabugao, Ilocos Sur – Nakikaysa  ti Cabugao Federated 4-H Club iti “Regional 4-H Club  Youth Camp cum Leadership Training” a naangay idi Abril 28-30, 2015 idiay Subli-subli Beach Resort, Brgy. Salugan, Currimao, Ilocos Norte babaen iti panagtitipon dagiti Opisiales/Kameng ti 4-H Club iti nadumaduma nga ili kadagiti uppat a  Probinsia ti Region 1 kas iti Ilocos Norte, Ilocos Sur, La Union ken Pangasinan.

Idi Day 1,  Abril 28, 2015, naangay ti General Assembly Meeting/Oath Taking Ceremony  dagiti Opisiales ti  Regional 4-H Federation Officers. 

Iti Day 2, Abril 29, 2015, nangipaay ti mensahena kadagiti agtutubo ni Governor Imee R. Marcos, Guest of Honor and Speaker.

Naaramid met laeng iti dayta a petsa dagiti contested activities kas iti On-the-spot Canvass Painting; Photography; Coconut-Based Handicraft/Novelty Item Making; Herbal Processing and Packaging Technology; Glutinous White Corn Food Processing; Organic Chicken Production Technology; ken 4-H Quiz Bowl Contest.

Naaramid pay ti Cultural Variety Show.

Iti Day 3, Abril 30, 2015, naangay ti Coastal Clean-up Drive nga indauluan dagiti Regional 4-H Club Officers ken Fun Game. 

Daytoy a programa ket parte iti aktibidad ti 4-H Club a mangaramid kadagiti gannuat a mangpapigsa ti panagkakaduada nga  agtutubo.

Dagiti programa ti 4-H Club ket ipangruna ita nga ipatungpal ti Agricultural  Training Institute (ATI), Lead Agency  ket agpaay met a coordinating agencies/institutions dagiti sumaganad: DA-Regional Field Offices; Local Government Units; 4-H Federations; 4-H Volunteer Leaders Association of the Philippines (VLAP).

Daytoy a dakkel nga aktibidad ket dinar-ayan dagiti Pederasion ti 4-H Club iti Probinsia ti Ilocos Norte, Ilocos Sur, La Union ken ti  Pangasinan.

Indauluan ni Mr. Obas Bill Y. Baclig, Municipal 4-H Club Coordinator ti delegasion ti ili a Cabugao, Ilocos Sur iti nasao a tallo nga aldaw a panagtataripnong. #  (Web In-Action)

No comments:

Post a Comment