Monday, May 4, 2015

BINULAN KOMA A MAITANDUDO TI RABIES AWARENESS MONTH

Cabugao, Ilocos Sur - Nangaramid a dagus ti aksion ti Municipal Livestock Office – DA LGU-Cabugao  babaen iti mailungalong a pannakaangay ti Anti-Rabies Campaign (injection ti anti-rabies kadagiti  household  pets a kas iti aso ken pusa) ket mayeskediul iti tunggal barangay a nangrugi pay la idi agtapos ti Enero  2015.

Kadua ni Dr. Castro ni Mr. Nathaniel Galamgam, AT, a nageskediul iti panagbakuna kadagiti barangay iti Munisipalidad.

Innayon ni Dr. Castro a binulan koma a maitandudo ti panangprebentar ti sakit a rabies a saan laeng nga idi b ulan ti Marso 2015 a pannakaselebrar ti “Rabies Awareness Month 2015”.

Sakbayna, nagatendar ni Dr. Melvyn G. Castro, DVM, Municipal Livestock Coordinator ti LGU-Cabugao iti naaramid a Livestock Inspectors Meeting idiay Heritage City of Vigan idi Enero 21, 2015  babaen iti pakaammo ni Dr. Joey Warren A, Bragado, DVM, Provincial Veterinarian.

Dagitoy nga aksion ken inisiatiba ket resulta iti  napintas ken agtultuloy a panagkammayet ti LGU-Cabugao ken iti Gobierno Probinsial babaen iti Provincial Veterinary Office tapno maprebentaran iti panagadu ti insidente ti rabies ken maikkan ti importansia ti “Animal Care Program” ti LGU (b enneg  ti Munisipio ken ti Probinsial). # (Web In-Action)

No comments:

Post a Comment