Monday, May 11, 2015

4th CONG. RVS INTER-TOWN BASKETBALL TOURNAMENT, NALUKTAN DITOY CABUGAO

Cabugao, Ilocos Sur – Naluktan ti Congressman Ronald V. Singson Inter-town Basketball Tournament ditoy ili ti Cabugao, Ilocos Sur ket naaramid ti ababa a programa sakbay iti opisial a panaglukatna  iti uneg ti Cabugao Cultural and Sports Complex, Brgy. Rizal, Cabugao, Ilocos Sur idi Mayo 8, 2015 a no sadino a ditoy ket natipun-tipon dagiti basketball players ti sangapulo nga ili: Sinait, Cabugao, San Juan, Magsingal, Sto. Domingo, San Ildefonso, Sta. Catalina, Caoayan, San Vicente ken Bantay a kinuyog dagiti Officiating Officials ken Coaches ti kada ili.

Sakbayna, naaramid ti Parada a tinampokan dagiti Players agraman dagiti Sports Officials iti aglikmut ti  Poblasion.


CLICK HERE TO VIEW MORE PHOTOS
Iti ababa a programa, indauluan ni SB  Secretary Maxfel S. Suboc iti panglukat a kararag.

Welcome Message ti inaramid ni Mayor Edgardo “Ediboy” S. Cobangbang, Jr. Kimmablaaw ken nagyaman ni Mayor Ediboy ta  nakagasgasat ti ili ta nairubuat daytoy a paay-ayam ditoy Cabugao.

“We welcome you all!” kinuna ti Ama ti Ili.

Intermission ti simmaruno ket nagpabuya ti PGIS Dancers.

Naisaganad iti pannakailawlawag ti kaipapanan ti Cong. RVS Inter-town Basketball Tournament babaen ken ni Mayor Mark Purisima ti San Ildefonso. Kinuna ti Mayor nga ad-adda a ti pannakayadayo dagiti agtutubo iti bisio ken pumigsa ti kooperasion, innayat, municipal unity iti intero nga umuna a distrito iti maaramidan daytoy a torneo. 

Binagi met nga imbasa ni Mayor Sammy Boy Parilla ti Bantay ti Oath of Sportsmanship idinto ta iti Oath of Officiating Officials ken ni Mayor Alrico A. Favis ti Magsingal.


Iti mensahe ni Congressman Ronald V. Singson, kimmablaaw ken nagyaman iti amin a nakipaset kadaytoy a panagrubuat ti patorneo. Kinuna ti Diputado a b abaen iti kakastoy a paay-ayam ket tumulong met a mangpaprogreso iti lokalidad a kas kadagiti nabab aknang a nasion a mangitantandudo iti basketball kas kangrunaan nga sport.

Simmaruno ti Distribution ti bola iti tunggal participating town babaen iti panangbayabay dagiti Mayores-da. Da Gov. Ryan ken ni Congressman Ronald ti nagiyawat kadagiti bola. Iti mensahe ni Governor Ryan Luis V. Singson, nagyaman ni Gov. Ryan kadagiti amin a Mamayores iti umuna a  distrito iti full support-da ket imbinsana ti pateg dagitoy a paay-ayam kasta metten iti Gov. Ryan Luis V. Singson Basketball Tourn ament iti 2nd District. Pinagyamanan ti Gobernador iti naan-anay a suporta dagiti Opisiales/umili kadagiti ili ket inikkanna pay ti pateg iti pannakamantener koma iti sportsmanship kadagiti nasao a paay-ayam.

Immuna a nagsalip dagiti Team ti Sto. Domingo ken Cabugao. 

Nakikaysa met iti Opening ti Cong. RVS Inter-town Basketball Tournament da Cabugao Vice Mayor DJ Savellano; SBM Atty. Bryan Jett S. Pano; ABC President Brgy. Captain Thaddeus U. Soller kasta metten dagiti Opisiales ti paay-ayam ken dagiti dadduma nga ili a makisalip. 

Kabayatanna, maibasar iti pakaammo iti  pakaseknan ti pay-ayam, magun-od dagiti mangabak iti agkakadakkel a premio kas iti sumaganad: Champion – 150,000; 1st Runner-up – 100,000; 2nd Runner-up - 60,000; 3rd Runner-up – 40,000 ken sag-10,000 a Consolation Prize.

Maikkan pay ti P10,000 iti mapili a Most Valuable Player (MVP) ken sag-P5,000 iti agballigi para iti Mythical Five Team. # (Web In-Action) 

CLICK HERE TO VIEW MORE PHOTOS

No comments:

Post a Comment