Friday, May 29, 2015

EQUIVALENCY PROGRAM TI Dep-ED, NARUGIAN TI PANAGAWIS ITI AGBASA

Cabugao, Ilocos Sur – Segun ken ni Mr. Warren Sumibcay, Mobile Teacher ti Alternative Learning System (ALS),  Community Center, Brgy. Bonifacio, Cabugao, Ilocos Sur  a rin ugiandan ti nag-barangay tapno allukoyenda dagiti saan nga agbasb asa nga agtutubo/ubbing  a makipaset iti Equivalency Program ti DepED Cab ugao District ita a Tawen 2015.

Innayon ni Mr. Sumibcay a babaen iti naynay a panagipadamag kadagiti maseknan nga agad-adal iti lugarda kasta met iti itutulong dagiti Opisiales ti Barangay a mangduktal kadagiti non-schooler/drop-outs ken nagsardeng nga agadal maigapu iti nagkaadu a pakaseknan, manamnama a makaurnongda iti umanay a bilang ti masuruan  iti ALS para iti Tawen 2015-2016.

Babaen iti agtultuloy a pannakaitandudo ti ALS Program   ken iti adu a nagapuanan dagiti nagturpos ita a Tawen 2015 ket in-inuten a maisaknap ken dumur-as daytoy a programa ti Edukasion iti ili a Cabugao, Ilocos Sur.

Insupusop ni Mr. Sumibcay a babaen iti itutulong pay dagiti nagannak ken  agad-adal a kaduana a mangisaknap ti napintas a damag  ket in-inut a makombinsir ti amin nga umili a di nagturpos iti elementaria ken high school a makipaset kadaytoy a napateg a programa tapno agtultuloy a maital-o ti literacy rate kadagiti barangay ken umili. # (Web In-Action)

No comments:

Post a Comment