Thursday, May 28, 2015

KARTON A NAGLAON TI AGAS, INTED TI DOH KADAGITI BARANGAY

Cabugao, Ilocos Sur – Inawat dagiti Punong Barangay iti siam a barangay ti ili a Cabugao, Ilocos Sur iti dua a karton tunggal barangay  a naglaon iti agas a para iti gagangay a sakit nga inted ti Department of Health (DOH)  iti Gobierno Lokal ti ili a Cabugao, Ilocos Sur iti Mayo 28, 2015 iti Opisina ni Mayor Edgardo “Ediboy” S. Cobangbang, Jr.


Tinarabay ni SBM Josefina S. Vallejo dagiti Kapitanes nga immawat kadagiti nasao nga agas ket kinuna ti Konsehala a maited dagitoy nga agas kadagiti agkasapulan a bumarangay babaen iti panangparuk-at dagiti Barangay Nutrition Scholars (BNS)  ken  Barangay Health Workers (BHW’s) a mangimaton ti Barangay Health Center a pakaidulinan dagiti nadakamat nga agas. # (Web In-Action)

No comments:

Post a Comment