Thursday, May 7, 2015

MEETING-WORKSHOP TI BNS, NAANGAY

Cabugao, Ilocos Sur – Naangay ti General Meeting and Workshop  dagiti Barangay Nutrition Scholars (BNS’s) iti intero a Munisipalidad ti Cabugao idi Mayo 5, 2015  iti 2nd Floor, Municipal Building, Cabugao, Ilocos Sur.

Napagsasaritaan dagiti pakaseknan dagiti BNS ken  pannakatulong kadakuada iti mobilisasion-da  kadagiti barangay iti  pakaseknan ti programa ti Nutrision.

Iti pannaki-amad ti Web In-Action idi Mayo 6, 2015, imbatad  dagiti BNS Workers iti naan-anay a panangitandudoda iti programa ti  Nutrision kadagiti barangay ken pannakaipamaysa a maaksionan dagiti kasapulanda tapno maragpatda dagiti naiplanoda a maaramid a pagsayaatan ti sapasap nga umili nangruna kadagiti ubbing. 

Dadduma pay a tinamingda iti meeting-workshop ket dagiti sumaganad:

1.Panangasikaso  iti Early Child Care and Development (ECCD) Card dagiti maseknan a maserbisyuan.
2.Panangadal iti babasaen nga ipaay ti World Health Organization (WHO) pakaseknan iti Training Course on Child Growth Assessment ken ti  WHO Child Growth Standards.

Tinarabay ida ni Mrs. Joenah G. Sevilleja, Municipal Nutrition Action Officer iti nagmalem nga aktibidad dagiti BNS. # (Web In-Action)

No comments:

Post a Comment