Wednesday, May 13, 2015

BSP-ILOCOS SUR, MANGIPASDEK TI BSP MUSEUM

Cabugao, Ilocos Sur – Babaen iti Council Memorandum No. 2,  Series of 2015 ti BSP-Ilocos Sur, napakaammuan dagiti amin a maseknan nga institusion ken organisasion (private ken public) a mangitantandudo iti trabaho a pakaseknan iti Boy Scouts of the Philippines (BSP). 

Linaon pay ti nadakamat a Memorandum a maipasdek ti BSP Museum iti BSP Headquarters, Vigan City a pakaurnongan dagiti makolekta a nga old scout gears ken paraphernalia kas iti old boy scout uniforms; gears, souvenir pins, jamboree patches, gadget, antique/old uniforms, old scout souvenir photos, slides, neckerchief ken paraphernalia maipapan iti BSP.

Dagiti makolekta ket maimb entario babaen iti BSP Council ket mapreserba a kas napateg a tawid/pakalaglagipan  iti agdama ken masanguanan a henerasion.

Nainayon pay iti  nasao a Memorandum nga iti maaramid a BSP Museum ket agserbi a repository dagiti scout items a para kadagiti Boy Scouts; estudiante, turista a kas mainayon a tourist attraction iti Heritage ken Wonder City of Vigan.

Napirmaan ti Memorandum babaen kada Vice Governor DV Savellano, Chairman, BSP-Ilocos Sur Council ken ni Mr. Jorge M. Reinante, CSEE, CEO, CEO VI, CESO V, Schools Division Superintendent, Division of Ilocos Sur. # (Web In-Action)

No comments:

Post a Comment