Wednesday, May 6, 2015

PLANT NOW PAY LATER, MAKATULONG KADAGITI MANNALON

Cabugao, llocos Sur – Naaramid ti Ceremonial Awarding iti pannakai-turnover ti  656 Packs iti Hybrid Seeds a maited iti 35 nga Asosasion ti mannalon ti Cabugao ket dinar-ayan ditoy dagiti pan nakabagi dagiti Asosasion a maikkan iti 27 Packs ti tunggal maysa.


Inimatangan ni Mayor Edgardo “Ediboy” S. Cobangbang, Jr. ti nasao a ceremonial awarding a binayabay ni SBM Josefina S. Vallejo iti Municipal Conference  Building idi Mayo 5, 2015.

Iti panagsarita ni Mayor Ediboy, pinatibkerna dagiti lideres  dagiti mannalon babaen iti agtultuloy a panangtarabay ti Munisipio kadakuada ket numan pay paset ti inisiatibada iti makikammayet b abaen iti PNPL kadagiti kompania nga itantandudo ti Departamento ti Agrikultura (DA), saan met nga agbaybay-a ti Gobierno Munisipal a mangkita iti pangkomplementar kadagitoy a programa ti sektor-agrikultura nangruna ita a pannnakairubuat ti Wet Season 2015 ita a tawen.

Inulit ti Ama ti Ili  iti pammigbigna iti sektor-agrikultura maigapu iti panangyalat ti LGU-Cabugao iti National Best Achiever Award idi Tawen 2013 ket impeksana iti pammatina iti kabaelan ti tunggal asosasion a mangiragpat latta ti dayaw ti sektor-da babaen iti panangkibin ti DA-LGU nga imatonan ita ni Acting Municipal Agriculturist Robert S. Savella ken iti pannakitunos dagiti mannalon iti salinong ti 35 nga Asosasion-da.
Impakaammo pay dagiti mannalon iti Alkalde Munisipal nga agmitingda iti kabiitan a panawen tapno mapagpapatanganda  iti pannakaiyallawat kadagiti Association-based a ramit a maipaima kadagiti mannalon.

Ti PNPL Program ti LGU-Cab ugao ket  nasamay a pamunganayan dagiti asosasion iti pannakaiyagpang ti kita ti bukel  ken teknolohia a kabuybuyogna para iti panagtatalon iti Wet Season 2015 (Hunio-Nobiembre).

Dagiti nagan ti Variety ti pagay/kompania  a nakikammayet kadaytoy a programa ket iti SL-8; TEJ; Frontline Gold; ken NK 5017. # (Web In-Action)

No comments:

Post a Comment