Wednesday, May 6, 2015

DAYAW KEN LATAK TI INYAWID TI CABUGAO 4-H ITI REGIONAL YOUTH CAMP 2015

Cabugao, Ilocos Sur – Inyalat ti Cabugao Federated 4-H Club ti umuna a puesto iti kategoria ti “

Glutinous White Corn Food Processing”

iti naaramid a  “Regional 4-H Club  Youth Camp cum Leadership Training” a naangay idi Abril 28-30, 2015 idiay Subli-subli Beach Resort, Brgy. Salugan, Currimao, Ilocos Norte babaen iti panagtitipon dagiti Opisiales/Kameng ti 4-H Club iti nadumaduma nga ili iti uppat a Probinsia ti Region 1.

Naaramid dagiti contested activities kas iti On-the-spot Canvass Painting; Photography; Coconut-Based Handicraft/Novelty Item Making; Herbal Processing and Packaging Technology; Glutinous White Corn Food Processing; Organic Chicken Production Technology; ken 4-H Quiz Bowl Contest.

Dagiti programa ti 4-H Club ket ipangruna ita nga ipatungpal ti Agricultural  Training Institute (ATI), Lead Agency  ket agpaay met a coordinating agencies/institutions dagiti sumaganad: DA-Regional Field Offices; Local Government Units; 4-H Federations; 4-H Volunteer Leaders Association of the Philippines (VLAP).

Daytoy a dakkel nga aktibidad ket dinar-ayan dagiti Pederasion ti 4-H Club iti Probinsia ti Ilocos Norte, Ilocos Sur, La Union ken Pangasinan. #  (Web In-Action)

No comments:

Post a Comment