Wednesday, May 6, 2015

OCEAN MONTH, MASELEBRARAN ITI BULAN TI MAYO 2015

Cabugao, Ilocos Sur –Maysa ti LGU-Cabugao a nangpasingked ti panangselebrar dagiti umili ti bulan ti Mayo kas “Ocean Month”. Naisayangkat ti nasaknap a Coastal Clean-up Drive iti panangidaulo ti Ahensia ti  Environment and Natural Resources Management Office (ENRMO)-Vigan City ken ti MENRO-Cabugao a nakikammayyetan ti amin a Sektor kas kadagiti Barangay Officials, Residente, BHW’s, RIC, FARMC ken 4 P’s iti Barangay Daclapan, Cabugao, Ilocos Sur nga idauluan ni Barangay Captain Charlie Somejo ken ti sibububkel a Konseho-na. 

Iti Mayo 6, 2015, inyuna   ti Provincial Environment Natural Resources Management Office ti Ilocos Sur  nga imbagian ni Ms. Rowena Abella iti pannakaselebrar ti “Ocean Month”  babaen iti coastal awareness  ket naaramid ti coastal clean-up a nagkakammayetan dagiti nadumaduma nga asosasion ken sektor iti ili a Cabugao ket iti Barangay Daclapan ti   nakaipatungpalan daytoy nga aktibidad.    

Nupay kasta, impakaammo ni MENRO Edgar S. Balangatan, AT a regular sakbayna a maar-aramid ti Coastal Clean-up iti pito a Coastal barangays ti ili babaen iti panangidaulo dagiti Opisiales ti Barangay ken nadumaduma nga organisasion iti uneg ti barangay-da. 

Innayon ti MENRO a kaduana  ni Mrs. Milagros R. Paz, AT, Municipal Fisheries Program Coordinator a mangkitkita iti pannakaipakat dagiti maigangannuat a programa ti Gobierno iti igid ti baybay.

Dagitoy nga aksion ken inisiatiba ket gubuay ti napintek a programa  iti Environment Management ti Gobierno Munisipal nga idauluan ni Mayor Edgardo “Ediboy” S. Cobangbang, Jr. tapno maannurot dagiti programa ti DENR ket matignay iti sapasap nga  umili a makikammayet kadagiti Opisiales iti agtultuloy a pannakatagiben ti kasasaad iti kabaybayan. # (Web Situational Report)

No comments:

Post a Comment