Wednesday, May 13, 2015

KNAPSACK SPRAYER, NAITED KADAGITI MANNALON

Cabugao, Ilocos Sur – Nai-turnover ti 200 a bilang ti Semi- Auto Knapsack Sprayer kadagiti makausar a mannalon iti 33 a barangay/asosasion (barangay-based)   iti ili a Cabugao, Ilocos Sur iti Mayo 13, 2015 iti sango ti Munisipio (Presidencia) a no sadino a ditoy ket nagtataripnong dagiti Opisiales ken  kameng dagiti Asosasion ti mannalon, Barangay Officials, Municipal Officials ken dagiti DA-LGU Staff and Personnel.


Inimatangan da Mayor Edgardo “Ediboy” S. Cobangbang, Jr. ken ni SBM Benedicto M. Savellano, Committee Chair on Agriculture, Fisheries and Cooperatives ti n asao a turn-over.

Iti panagsarita ni Mayor Ediboy,  bininsana ti pakabuklan ti proyekto ket dinakamatna a nagtaud ti proyekto manipud iti Bottom-up Budgeting ti LGU-Cabugao. Inulit manen ti Ama ti Ili iti agtultuloy a panakikammayetda kadagiti Ahensia  nangruna iti DA ken iti napintas a pakasarsaritaan dagiti asosasion ti mannalon a mangannong kadagiti pagrebbenganda ken panangilalada kadagiti mait-ited a ramit ken proyekto. Kalikagumanna pay a sapasap a maisagut/mabenepisiaran  dagiti mannalon kadagiti kakastoy a maited a proyekto.

Nakipaset met iti nasao a turn-over dagiti DA-Staff and Personnel nga idauluan ni Acting Municipal Agriculturist Robert S. Savella. # (Web In-Action) 

No comments:

Post a Comment