Malagip nga idi Abril 22, 2015, ni Kapitan James ket nagsubli iti sidong ti Namarsua. Imparikna ti sibubukel nga Opisiales ti ili, kakaduana iti Association of Barangay Captains-Councils, umili ti Cabugao ken dagiti am-ammo, gagayyem ken kakabagianna iti pannakipagriknada/pannakipagladingitda iti damag a napanen iti nagkaysa a biag ni Kapitan James.
Kalpasan ti nasurok a dua a lawas a pannakaimassayagna, naruay dagiti umili ti nakipagtulod ken ni Kapitan James iti Cabugao Catholic Church para iti Funeral Mass sa naisaruno ti naaramid a Memorial Service para kenkuana iti sango ti Municipal Hall (Presidencia), Cabugao, Ilocos Sur idi Mayo 9, 2015.
Naaramid iti programa ti Reading and Presentation of Resolutions and Condolences babaen kada ABC President Thaddeus U. Soller ken ni Vice Mayor Deogracias Jose Victorino H. Savellano.
Tallo a Kapitanes ti nagsaruno a nangipeksa iti Eulogy-da nga isuda Punong Barangay Modesto Ronque (Aragan); Punong Barangay Ronel Zamora (Salapasap); ken ni Punong Barangay Arnold Yangat (Pug-os).
Message of Sympathy ti impaay ni Mayor Edgardo “Ediboy” S. Cobangbang, Jr.
Nagsasaganad a naaramid ti Folding of the Philippine Flag and presentation to the bereaved family; Flower Offering and Final Viewing iti amin a timmabuno iti service; Response from a Family member ken Farewell Songs.
Nayanak ni PB James Sera idi Mayo 7,1965 kada Marciano ken Juanita Sera.
Nagadal iti Bungro Elementary School; Cabugao Institute, Luzon Colleges ken iti Divine Word College of Laoag City.
Asawana ni Thelma Sera ken naaddaanda iti tallo nga annak: Charles, Cyril Jay ken Charlene.
Nagpaay a Barangay Treasurer ken Barangay Kagawad iti Barangay Marga-ay sakbay a nagtakem a Punong Barangay.
Aktibo pay a kameng ti Liga ng mga Barangay ti ili a Cabugao. # (Web In-Action)
No comments:
Post a Comment