Friday, May 8, 2015

CABUGAO RICE PROGRAM TI 2015, MAIDURDUR-AS

Cabugao, Ilocos Sur – Segun ken ni Municipal Rice Program Coordinator Nereo S. Daproza, AT, ti DA-LGU Cabugao nga ikagumaananda a mapamulaan ti amin a   dati a  matalon ita a Wet Season 2015 (Hunio-Nobiembre) babaen iti napintas a programa ti Agrikultura iti ili kadagiti sumaganad nga indikasion:

1. Maestablisar dagiti Demo-Farm ken Farmers Field School (FFS) kadagiti barangay.

2. Pannakatarabay dagiti mannalon a mangpataud kadagiti hybrid a bukel nga imulada  tapno matun-oyan ti 5-10 Tonelada nga apit iti maysa nga ektaria.

4. Pannakapatibker ti gimong dagiti mannalon babaen iti pannakadengngeg kadagiti pakaseknan ken problemada  iti maang-angay a regular a miting iti Asosasion-da ken iti Pederasion.

5. Regular Monitoring ti DA-LGU Extensionists  ken panangtarabay kadagiti mannalon iti disso ti pagtatalonanda.

6. Agtultuloy a pannakikammayet ti DA-LGU  kadagiti line-agencies a mangprobitsar kadagiti serbisioda  a kangrunaan iti DA ken Agricultural Companies tapno masungbatan ti pagkasapulan dagiti mannalon.

Innayon ni Mr. Daproza a mangnamnama a  mamantener ti dati a kalawa ti mamulmulaan nga umabot ti  2,437 ektarias a suksukayen ti 4,370 a bilang ti mannalon  babaen iti inisiatiba dagiti agmula ken manamnama a pabor ti paniempo  iti kaadda iti makaanay a suplay a padanum a kangrunaan a kasapulan iti panagtan-ay dagiti maimula. # (Web Situational Report)

No comments:

Post a Comment