Friday, May 22, 2015

AUGMENTING FORCE TI PDRRMC-ILOCOS SUR, AGSANAYDA DITOY CABUGAO

Cabugao, Ilocos Sur -  Naangay ti panagsanay iti Water Search and Rescue (WASAR) dagiti pannakabagi ti MDRRMC iti innem a Munisipalidad ti Umuna Distrito ti Ilocos Sur ket iti maikatlo nga aldaw a panagngudo ti training-da ket nasapa a nagrubuatda ditoy sango ti Munisipio ti Cabugao a nagehersisio ken nag-jogging sada nagturong idiay Barangay Pug-os, Cabugao, Ilocos Sur a kangrunaan a pagsanayanda iti danum iti  kabaybayan ita a  Mayo 22, 2015.


Segun ken ni Engr. Nestor B. Somera ti Municipal Disaster Risk Reduction Management Council (MDRRMC)-LGU Cabugao, a nakipaset dagiti kameng ti WASAR (Water Search and  Rescue) ditoy Cabugao a nakalpasen kadaytoy a panagsanay nga inangay ti PDRRMC-Ilocos Sur nga idauluan ni Chairman Mike Chan kadagiti immuna a bansada/eskediul  ti panagsanay.

Segun ken ni Mr. Chan ket agdagupen ti 200 ti bilang  dagiti nasanay a kameng ti WASAR iti 1st ken 2nd District ti Probinsia a buklen dagiti empleado ti LGU’s, Polis, Professional ken dadduma pay a sektor a makabael nga agsakripiso ken agsanay  ket nupay pagrebbengan daytoy a maituyang kadagiti LGU’s babaen iti Office of the Civil Defense (OCD) ti DND ket maapresiar met dagiti maseknan nga agsansanay iti ragsakda a makaadal ken makapagserbi kadagiti kailianda no tiempo ti kalamidad.


Innayon ni Mr. Chan a sistematiko ti gunay/mobilisasion  ti panagresponde ti WASAR ken PDRRMC-MDRRMC no adda mapasamak a kalamidad, desgrasia wenno napapateg a paguummongan a maisayangkat a pakasapulan iti pannakatarabay  dagiti tattao a maseknan kadagiti lugar/ili  ditoy Probinsia ti Ilocos Sur kabayatan a maaramid ti aktibidadda. # (Web In-Action)

No comments:

Post a Comment