Tuesday, May 19, 2015

MAMMAL STRANDING RESPONSE, MAADALAN DAGITI LIDER-MANGNGALAP

Cabugao, Ilocos Sur – Kas paset ti One-month Program ti Information, Education and Communication Campaign ti National Fisherfolk Director’s Program ti Bureau of Fisheries and d Aquatic Resources (BFAR) ket maangay ti maysa nga aldaw a pannakaigannuat daytoy a nga aktibidad ditoy ili ti Cabugao, Ilocos Sur babaen iti panagatendar dagiti Lideres ti mangngalap iti pito a Coastal Barangay ti ili kas iti Barangay Dardarat, Salomague, Namruangan, Daclapan, Pug-os, Salapasap ken Sabang ken  maangay ti aktibidad iti Municipal Conference Building iti Mayo 19, 2015.


Iti programa, nagsarita ni SBM Benedicto M. Savellano, Committee Chair on Agriculture, Fisheries and Cooperatives ket kimmablaaw ken nagyaman kadagiti sangaili a naggapu iti BFAR-Region 1 ken dagiti Opisiales ti mangngalap ken pannakabagi ti DA-LGU nga idauluan ni Acting Municipal Agriculturist Robert S. Savella.

Kalpasan ti Acknowledgement of the Participants, nailawlawag ti Rationale of the Program ken umuna a topiko a naiyadal ket iti Marine Mammal Stranding.
Mangnamnama ni Acting MA Savella nga iti agmalem daytoy a seminar ket naballigi ti resultana ken adu ti maiyawid dagiti lider-mangngalap a sirib maipapan iti panangsalbar kadagiti maisadsad a nabiag ti baybay. # (Web In-Action)

No comments:

Post a Comment