Cabugao, Ilocos Sur – Iti pannakiuman ti Web In-Action iti Waterworks Department, LGU-Cabugao iti Mayo 12, 2015, agtultuloy latta ti serbisioda kadagiti end-users ti danum nga aggapu iti Magarang Water Springs, Brgy. Cacadiran, Cabugao, Ilocos Sur ken iti Roma-Kinalian Sources iti Brgy. Maradodon ken Brgy. Catucdaan.
Iti agdama, maipatpatungpal iti water rationing kadagiti masakupan ti service area ti waterworks nangruna ita a summer months. Kabayatanna, adda met latta dagiti tarimaanenda a pagproblemaan iti main line ken distribution line. Ngem maaksionan a daras dagitoy ta agtultuloy ti repair and maintenance operation ti Opisinada.
Innayonda pay nga aksionanda a madagdagus dagiti awag dagiti water-users.
Insupusopda a madagdagus a mataming ti pakaseknan dagiti consumers iti panagrekurida/monitor dagiti Collectors, Pifefitters ken Personnel a makasakup ti Cabugao Waterworks System wenno iti babaen iti pannakausar dagiti Hotlines ti Opisinada.
Segun ken ni Waterworks Superintendent Engr. Nestor B. Somera a tinawen met ketdi a mapasamak ti panages-es ti suplay ti danum no panawen iti tikag. Nupay kasta, ikagumaananda nga alay-ayan daytoy babaen iti madagdagus a pannakaaksion dagiti pakaseknan ti amin a consumers maibatay iti kabaelan ti agdama a suplay ti danum nga itden dagiti ubbog. # (Web In-Action)
No comments:
Post a Comment