Cabugao, ilocos Sur – Nagmiting dagiti Opisiales ken Kameng ti Cabugao Federated Senior Citizens idi Enero 6, 2015 ket napagmimitinganda iti panangplanoda iti mai-proyektoda a pagsayaaatan dagiti nataengan iti Tawen 2015. Naaramid ti mitingda iti Senior Citizens’ Center, Brgy. Rizal, Cabugao, Ilocos Sur.
Impakaammo pay ni Mr. Bonifacio Somera, Presidente a nagatendar ni Mrs. Lydia S. Gazmen, MSWD Officer tapno makipagtaming iti kangrunaan nga agenda a napanda trinatar.
Nakitinnarabay met ni Mr. Remigio Sunico, OSCA Head iti nasao a miting.
Innayon ni Mr. Somera a trinatarda pay a nasayaat iti maipapan iti napintas a koleksion ti Saranay-da, updating ti kameng ti Senior Citizens iti kada barangay, monthly accomplishment report ti Pederasion ken pinadayawanda dagiti nagkasangay a nataengan iti bulan ti Enero 2015. # (Web In-Action)
No comments:
Post a Comment