2nd DAY TRAINING TI RIAA 2015 ATHLETES, NAANNAYAS

Cabugao, Ilocos Sur – Maang-angay ti panangrugi ti tallo a lawas (Enero 26, 2015-Pebrero 14, 2015) a  panagsanay dagiti mapili nga Atleta a mapan makisalip iti Region 1 Athletic Association (RIAA) 2015 Competition  idiay Probinsia ti Pangasinan inton Pebrero 15-21, 2015.

Naaramid ti panagsanay iti Cabugao District Athletic Oval (Freedom Park)  kasta pay a mausar dagiti dadduma nga Sports Facilities ti ili a kas iti Cabugao Cultural and Sports Complex ken iti Cabugao Central Park  (CCP)   Basketball Court, segun ken ni Cabugao DepED District PESS Coordinator Ronel M. Ubaldo.

Idauluan  ni Mr. Meneleo Palma, CSEE, Education Program Supervisor  1, MAPEH ken PESS Division Coordinator dagiti Sports Officials/Coaches/Trainors   ken agsanay nga Atleta iti naangay a meeting sakbay ti panagsanay idi Enero 26, 2015 iti Training Venue.

Idauluan met da Mr. Delfin Llagas, Training Director ken ni Mr. Pepe Adame, Assistant Training Director dagiti mangisursuro ken agsansanay nga ubbing.

Dagiti sports event a pagsanayan dagiti ubbing ket iti Archery, Arnis, Athletics (running, throwing ken jumping), Badminton, Baseball, Basketball, Boxing, Chess, Football (Soccer), Gymnastics, Lawn Tennis, Sepak Takraw, Softball, Table Tennis, Taekwondo, ken Volleyball (Men & Women).  # (Web In-Action)