Cabugao, Ilocos Sur – Nai-turnover kadagiti mannalon iti Aragan Farmer’s Association nga idauluan ni Mr. Jessie P. Ronque, Presidente, ti maysa a Unit ti Hand Tractor (Kuliglig with Complete Accessories) babaen iti Counterpart Scheme (85-15%) iti nagbaetan ti LGU-Cabugao ken ti DA-RFO 1, San Fernando City, La Union idi Enero 15, 2015 iti sango ti Munisipio.
Nai-turnover daytoy a makina kadagiti Opisiales ti Aragan FA babaen iti panangimatang ni Mayor Edgardo “Ediboy” S. Cobangbang, Jr. a binayabay met da SBM Benedicto M. Savellano, Commitee Chair on Agriculture, Fisheries and Cooperatives kasta metten ni SBM Atty. Bryan Jett S. Pano ken dagiti Personnel ti DA LGU-Cabugao nga indauluan ni Municipal Agriculturist Zenaida S. Andrada.
Daytoy nga inisiatiba ket resulta ti agtultuloy a panagkammayet ti DA-RFO 1 nga idauluan ni DA Regional Executive Director Valentino C. Perdido, Ph. D. ken iti LGU-Cabugao nga idauluan ni Mayor Edgardo “Ediboy” S. Cobangbang, Jr. iti salinong ti Farm Mechanization Program ti Departamento ti Agrikultura (DA). # (Web In-Action)
No comments:
Post a Comment