Wednesday, January 21, 2015

BAMBOO PROPAGATION, AGTULTULOY ITI TAWEN 2015

Cabugao, Ilocos Sur – Segun ken ni Mr. Edgar S. Balangatan, AT, MENRO nga agtultuloy latta ti Community Propagation ti Kawayan Seedlings kadagiti barangay a pagnaedan dagiti nag-Training iti Bamboo Production kadagiti 33 a Barangay ti ili ti Cabugao, Ilocos Sur.

Innayon ni Mr. Balangatan a kalpasan ti pannakai-demonstrar ti panagpatubo ti Bamboo Seedlings iti Municipal Bamboo Nursery babaen kadagiti pannakabagi ti Philippine Bamboo Foundation ket determinado dagiti Cabugao Bamboo Trainees a makapatuboda met iti barangayda ket maip-ipan ita ti maurnong a patuboda iti Municipal Bamboo Nursery a pangtingitingan ti maimula ken pakaimulaan dagitoy a Kawayan Seedlings.

Dagitoy nga aksion ken inisiatiba ket maigapu iti  naregget a programa ti LGU-Cabugao a mangitandudo ti “One Town-One Product” iti Bamboo Production para iti pagsayaatan dagiti umili ken dagiti mannalon iti intero a Munisipalidad. # (Web In-Action)

No comments:

Post a Comment