Cabugao, Ilocos Sur – Nairusat ti pannakadalus ti asideg ken mabatogan a parte ti NISTC Public Market iti National Highway babaen iti panangigannuat ti Clean and Green Program ti Munisipio nga imatmatonan ni MENRO Edgar S. Balangatan, AT tapno naan-anay ti nadalus a buya ti aglawlaw kadagiti pasilidad ti LGU- Cabugao nga adda kadagitoy a disso.Kabayatanna, makikoordinar pay ti pannakabagi ti MENRO iti Committee Chair on Environment iti Sangguniang Barangay ti Barangay Baclig a makasakup kadaytoy a pagrebbengan tapno tumulongda a mangdalus iti sirok ti rangtay ken agraman iti igid ti Karayan Cabugao gapu iti napaut a Holiday Season.
Mangnamnama ni MENRO Balangatan a babaen iti nangatngato nga agpang ti koordinasion kadagiti barangay a makasakup iti malinisan a disso ket nadardarasda nga ipatungpal ti agtultuloy a panagdaldalus a pakaisagutan met ti sapasap iti napintas a buya ken sanitasion. # (Web Situational Report)
No comments:
Post a Comment